Beat Kessler

Tanzed i ds liecht ir wäsen uf ärde
Zu luft und zu füür und zu wasser mir wärde
Mit stärne im härze mir lache wie chind
Eis mit de liebi wo tüüf i üs schiint

U eis mit de bluemen u farbe mir wärde
Eis mit de fee de wichten und zwärge
Fliesse mir zäme zu eim grosse see
Mit stuunenden ouge ab der schönheit mir gseh

U so erwachet die weisheit mit glänzendem schii
Das uralte gheimnis wo nie eis isch gsi
Mir sy d stilli wo tanzed ir ziitlose zyt
Dunkelheit symer u so symer ds liecht